لإقتراحاتكم يا رفاق

مرحبا يا رفاق الاعزاء :

انا حابب ضيف اقسام جديدة للمنتدى اللي تساهم في زيادة النشاطات عند الرفاق و يكون منها الترفيه

و تزيد من دخولهم ليتابعه النشاطات لأني بصراحة ما بدي يكون كل شي هون ثقافي و معلوماتي فقط

حابب يكون كل شي عنا و ضمن المسموح به للمنتدى لأنه حزبي يعني يكون الشي ضمن المعقول .

كمان حابب اعمل مسابقات و كتير شغلات بس حابب اسمع اقتراحاتكم و بناء عليها بنضيف و بنختار

انا بستنى من حضرتكم تحكولي شو ارائكم و انا جاهز للرد عليها

تحياتي الرفاقية

لو يكون عنا منتدى للتثقيف الحزبي مثلا
يكون فيه مواضيع عن تاريخ الحزب ونضالاته وهيك اشي
بالنسبة للمواضيع بقدر اجيب قدر منيح منها


مشكور رفيقي

اكيد رح نطمح للتثقيف الحزبي و رح نبادر في هيك شي عن قريب

في حال توفر المادة المطلوبة و الافضل البدء بعد المؤتمر العام

ليكون عندنا برنامج سياسي و نظام داخلي متفق عليه و ثابت.

أطمح الى منتديات للتثقيف في الحياة العامة ( الادب, الصحة, الفنون....الخ)

انا عندي بعض الافكار ما بعرف اذا بتزبط ولا لاء بس بدي اطرح بعضها

قبل اي شي حابب انه نبلش من فلسطين لبرة يعني نتعلم ثقافتنا نحنا و نعرف كل شي عنا

بعد هيك نطلع لبرة .... عنا اقسام مش مهتمين فيها مع انها مهمة كتييير متل اعرف وطنك

و شخصيات وطنية فلسطينية و عربية ..... بعد هيك بطرح نعمل مسابقات بالمنتدى

و نعمل منتدى عن الشخصيات الاجرامية الاسرائيلية و نعرف كل شي عنهم و عن جرائمهم

و كمان نعمل منتدى عن النشاطات الحزبية و نكسب الخبرات من الجميع و بطرح كمان نعمل

منتدى الصحة العامة و ان شاء الله بجيب افكار جديدة او بننقل افكار من منتديات تانية لعنا .

هلا

يسلمو محمود على الكجهود بس في شغلة

انو احنا عنا اقسام كلها سياسية وكلها

يعني لو يكون في قسم اجتماعي يومي تتنزل في واضيع عادية بكون افضل

يعني تتنزل المواضيع في من حياتنا العادية مش لازم سياسية

يسلمو

انا بضم صورتي للرفيقة حلا على فكرتها لازم يكون عنا منتديات

اجتماعية و ثقافية و صحية نستفيد منها مش بس سياسية

لأنه مش الكل بحب السياسة و بحكي فيها .

شكرا كتير لا الك

رفيقي Admin لدي فكره أرجو ان نتشارك في مناقشتها وهي اضافة فقرة((ضيف المنتدى)) على ان يحدد الرفاق المشرفين على هذا المنتدى الموضوع الذي سيناقش طبعا بمشاركة الرفاق المشتركين في المنتدى والرفيق الضيف ,واذا كان للرفاق المشتركين اسئله فعليهم طرحها من على هذا المنتدى,ولكم الحق في اختيار الاسئله التي ترون انها ستفيد الرفاق وبعدها تعملون لقاء مع الرفيق المعني عبر التسجيل الصوتى على الطريقه الصحفيه المهنيه وبعدها تصيغون المقابله وتنشرونها وتحتفظون بالتسجيل حتى يتم الرجوع اليه عند وجود اختلافات.هذه ستعرفنا على رفاقنا القياديين من عن قرب وعن مسؤولياتهم ومدى خبراتهم ومدى توافق رؤياهم مع رؤيا الرفاق في القاعده,وايضا نستفيد من الاجوبه والحوارات وحتى تتضح الامور أكثر للرفاق مباشرة من الرفيق المسؤول.ويمكن ان يكون اللقاء شهريا وأن تكون الاسئله والاجوبه شفافه وواضحه ولكم حق التعليق على المقابلات وطريقة أدائها.مع ان هذا الموضوع بحاجه الى اعداد جيد فأن تمت الموافقه أقترح ان يبدأ المشروع بمقابله مع الامين العام حول رؤيته لنتائج المؤتمر والخطط المستقبليه لتطوير عمل الحزب في كل المجالات, وفي حال رفض اي رفيق المقابله ان يتم الاشاره عبر المنتدى الى هذا الرفض وأن امكن ذكر الاسباب.ولك مني كل الاحترام

الرفاق القائمين على المنتدي ارجو العمل على حذف كل اسم صريح يرد في رد او نقاش لانه ليوجد حاجه لبناء الكراهيه بين الرفاق لانه زمن النقد والنقد الذاتي شكله لم يعد موجود

اقتراح لرفاق المشرفين على المنتدى الصحيح انا عضو حزب شيوعي اردني بس من اصول فلسطينيه اتمنى عليكم وضع موقع للاغاني ليس لكلمات الاغاني

أقتراح معقول جدا ويا ريت ان أمكن ....!!!!

رفيقي العزيز Adminأرى انه آن ألأوان لأن تعرضوا الوثائق التي أقرت في المؤتمر الرابع والبيانات التي صدرت حتى تكون لنا مرجعيه في حياتنا وتوجهاتنا.ولك كل الاحترام.

رفيقي Admin أعتقد أن (الساعه) التي تظهر توقيت الموضوع فيها خطأ أرجو التأكد..
وكذلك عبارة( اليوم) أن تستبدل بالتاريخ.
وأرجو ان أمكن أن تعلق على المقترحات ورأيك فيها.

اول شي انا اسف كتير يا رفاق على التأخير بس غبت هالفترة لحالة طارئة جدأ و ما قدرت اني ادخل طول هاي الفترة و الواحد عنده مشاغل كتيرة لكن انا قرأت التعليقات او بعضها بالاحرى و رح كمل كل شي طبعا اقتراحاتكم كتير حلوة و انا بتمنى انه اقدر احققها جميعها و رح اعمل الشي اللي بقدر عليه .

بخصوص الوثائق و التوصيات للمؤتمر رح احاول احصل عليها عن قريب ان شاء الله